വാർത്ത: NS നെല്ലിക്കുന്നം
തങ്ങളുടെ രാജ്യം ഉക്രയിനിൽ നടത്തുന്ന യുദ്ധത്തിനെതിരെ ഒരു കൂട്ടം റഷ്യൻ പാസ്റ്റർമാർ പരസ്യ നിലപാടുമായി രംഗത്ത്.
യുദ്ധത്തിനെതിരെ നൂറുകണക്കിന് പാസ്റ്റർമാർ ഒപ്പിട്ട ഒരു തുറന്ന കത്ത് പുറത്തിറക്കിയതായി ക്രിസ്ത്യാനിറ്റി ടുഡേ റിപ്പോർട്ട് ചെയ്യുന്നു.
കത്തിൽ പറയുന്നു: “ഈ വിവേകശൂന്യമായ രക്തച്ചൊരിച്ചിൽ അവസാനിപ്പിക്കാൻ ഞങ്ങൾ നമ്മുടെ രാജ്യത്തെ അധികാരികളോട് ആവശ്യപ്പെടുന്നു!
യിരമായാപ്രവചനം 18:7-8 വാക്യങ്ങൾ ഉദ്ധരിച്ചുകൊണ്ട് രാജ്യം അതിന്റെ ദുഷിച്ച വഴികളിൽ നിന്ന് തിരിയണമെന്നും കയീൻ തന്റെ സഹോദരനായ ഹാബെലിനെതിരെ സഹോദരഹത്യയുടെ പാപം ചെയ്തതിനെതിരെ സമാനമാണീ നടപടിയെന്നും ഓർക്കുന്നു. യേശുവിന്റെ വാക്കുകൾ നടപ്പിലാക്കാൻ കത്തിൽ ആഹ്വാനം ചെയ്തു: “നിന്റെ വാൾ അതിന്റെ സ്ഥാനത്ത് തിരികെ വയ്ക്കുക … വാൾ വിരുന്നവരെല്ലാം മരിക്കും” (മത്താ. 26:52).സെന്റ് പീറ്റേഴ്സ്ബർഗിലെ ഇവാഞ്ചലിക്കൽ പ്രസാധകരായ മിർട്ട് പബ്ലിഷിംഗ് ഹൗസിന്റെ വെബ്സൈറ്റിൽ തുറന്ന കത്ത് ലഭ്യമാണ്. മോസ്കോ, സെന്റ് പീറ്റേഴ്സ്ബർഗ്, മറ്റ് 40-ലധികം നഗരങ്ങളിലും പള്ളികളുമായോ സെമിനാരികളുമായോ അഫിലിയേറ്റ് ചെയ്തിരിക്കുന്ന റഷ്യൻ ബാപ്റ്റിസ്റ്റുകളും പെന്തെക്കോസ്തുകാരും ഈ കത്തിൽ ഒപ്പുവച്ചിട്ടുണ്ട്.
29 വർഷമായി പടിഞ്ഞാറൻ ക്രിസ്ത്യാനികൾക്ക് യുറേഷ്യൻ ക്രിസ്ത്യാനിറ്റിയെ വിശദീകരിക്കുന്നതിൽ ശ്രദ്ധ കേന്ദ്രീകരിച്ച ഒരു ജേണലായ ഈസ്റ്റ്-വെസ്റ്റ് ചർച്ച് റിപ്പോർട്ടിന്റെ എഡിറ്റർ എമിരിറ്റസ് മാർക്ക് എലിയറ്റ് പറഞ്ഞു: “ഈ ധീരരായ ആളുകൾ ഉക്രെയ്നുവേണ്ടി സംസാരിക്കുന്നതിൽ ഞാൻ ആശ്ചര്യപ്പെടുന്നു. എന്നാൽ പുടിനെ അധികാരത്തിൽ നിന്ന് താഴെയിറക്കിയില്ലെങ്കിൽ ഈ വിശ്വാസ സമൂഹത്തിനെതിരെ കടുത്ത പ്രതികാര നടപടികൾ ഉണ്ടായേക്കാമെന്നും ഞാൻ ഭയപ്പെടുന്നു.
“റഷ്യ ഉക്രയ്നിൽ നടത്തുന്ന അതിക്രമത്തോട് റഷ്യൻ പ്രൊട്ടസ്റ്റന്റുകളുടേത് ഒരു സാധാരണ പ്രതികരണമല്ല . രാഷ്ട്രീയകാര്യങ്ങളിൽ ഇടപെടാതെ വിട്ടുനിൽക്കുക എന്നതായിരുന്നു പതിറ്റാണ്ടുകളായി അവരുടെ നിലപാടാണ്, “റഷ്യയിൽ ജനിച്ച വിർജീനിയയിലെ ബാപ്റ്റിസ്റ്റ് സെമിനാരി പ്രൊഫസറായ ആൻഡ്രി ഷിറിൻ പറഞ്ഞു. പ്രൊട്ടസ്റ്റന്റുകാർ “സർക്കാർ വിരുദ്ധരാണെന്ന് കോടതി അധികാരികൾ പതിവായി കുറ്റപ്പെടുത്തുന്നുണ്ട്. അതിന് മറുപടിയായി, തങ്ങൾ വിശ്വാസികളാണെന്നും രാഷീയക്കാരല്ലെന്നുമാണ് അവരുടെ വാദം.
