🏵️ പാസ്റ്റർ സണ്ണി എബ്രഹാം ആയൂർ, കൊല്ലം മണ്ഡലത്തിൽ നിന്നും ഐപിസി സ്റ്റേറ്റ് കൗൺസിലിലേക്ക് തെരെഞ്ഞെടുക്കപ്പെടുവാൻ സാധ്യതയുള്ള സ്ഥാനാർത്ഥി

NS. നെല്ലിക്കുന്നം

ഐ.പി.സി കേരള സ്റ്റേറ്റ് 2022 – 25 വർഷത്തേക്ക് ഉള്ള ഭരണ സമിതി അംഗങ്ങളെ തെരെഞ്ഞെടുക്കുന്നതിന് വേണ്ടിയുള്ള വോട്ടെടുപ്പ് ദൈവഹിതമായാൽ ഈ വരുന്ന ആഗസ്റ്റ് 2 മുതൽ 18 വരെ കേരളത്തിന്റെ പ്രധാന 11 കേന്ദ്രങ്ങളിൽ വച്ച് നടക്കുകയാണ്. കൊല്ലം ജില്ലയിൽ നിന്നും സ്റ്റേറ്റ് കൗൺസിലിലേക്ക് തെരെത്തെടുക്കപ്പെടുവാൻ പാസ്റ്റർ സണ്ണി ഏബ്രഹാം ആയൂർ ആഗ്രഹിക്കുന്നു.
ഒരു പാരമ്പര്യ റോമൻ കത്തോലിക്ക കുടുംബത്തിൽ ജനിച്ചു. 49 വർഷങ്ങൾക്കു മുമ്പ് പെന്തക്കോസ്തു വിശ്വാസത്തിൽ വന്നു. 36 വർഷമായി ശുശ്രുഷകനായും 24 വർഷമായി സെന്റർ ശുശ്രുഷകനായും പ്രവർത്തിച്ചു വരുന്നു. ഇടുക്കി, മുണ്ടക്കയം, കാഞ്ഞിരപ്പള്ളി എന്നീ സെന്ററുകളിലും ഇപ്പോൾ ആയൂർ സെന്ററിന്റെ ശുശ്രുഷകനായും പ്രവർത്തിക്കുന്നു.
നിരവധി സഭകൾ തന്റെ സ്വന്ത അദ്ധ്വാനത്തിലും 40-തിൽ അധികം സഭകൾ തന്റെ നേതൃത്വത്തിലും ഐപിസിക്ക് സ്ഥാപിതം ആയിട്ടുണ്ട്. ബൈബിൾ സ്‌കൂൾ അദ്ധ്യാപകൻ, കൺവെൻഷൻ പ്രസംഗകൻ എന്നീ നിലകളിലും തന്റെ ശുശ്രുഷ തെളിയിച്ചിട്ടുണ്ട്. ദൈവദാസന്മാർക്കും ദൈവജനത്തിനും ആത്മിക നേതൃത്വം കൊടുക്കുക മാത്രം അല്ല, തികച്ചും അർഹരായവരെ കണ്ടെത്തി ഭൗതിക കൂട്ടായ്മയും നൽകുന്നതിൽ തൻ ശ്രദ്ധാലുവാണ്.
സാമൂഹിക പ്രതിബദ്ധത എന്നോണം സഭയ്ക്കും സമൂഹത്തിനും ഉപകാരപ്രദമായ ധാരാളം ജീവകാരുണ്യ പ്രവർത്തനവും തന്നിലൂടെ ഇപ്പോൾ ഈ മേഖലയിലും ചെയ്തു വരുന്നു എന്നുള്ളത് പ്രശംസീയനം ആണ്. സ്റ്റേറ്റ് കൗൺസിൽ മെമ്പർ, സ്റ്റേറ്റ് Evangelism ബോർഡ് മെമ്പർ, ചാരിറ്റി ബോർഡ് വൈസ് ചെയർമാൻ, PYPA സ്റ്റേറ്റ് കമ്മിറ്റി അംഗം എന്നി മേഖലകളിൽ പ്രവർത്തിച്ചിട്ടുള്ള ഇദ്ദേഹം ഒരു നല്ല സംഘാടകൻ കൂടിയാണ്. കൂടാതെ ഇടുക്കിമേഖല വൈസ് പ്രസിഡന്റ്,കോട്ടയം മേഖല വൈസ് പ്രസിഡന്റ് എന്നീ നിലകളിലും ദീർഘ വർഷങ്ങൾ സേവനം അനുഷ്ഠിച്ചിട്ടുണ്ട്. സ്റ്റേറ്റ് കൗൺസിൽ പ്രശ്ന പരിഹാരത്തിനായി കമ്മീഷൻ ചെയർമാനായി 7 പ്രാവശ്യം നിയമിച്ചു അയക്കുകയും ഇരുകക്ഷികൾക്കും അംഗീകാരപ്രദമായ നിലയിൽ അവയെല്ലാം പരിഹരിച്ചു റിപ്പോർട്ടു നൽകുകയും കൗൺസിലിൽ തർക്കം കൂടാതെ തന്നെ അംഗീകരിക്കുകയും ചെയ്തത് തന്റെ പ്രവർത്തനമികവിന്റെ ഉദാഹരണങ്ങളിൽ ഒന്നാണ്.
സ്റ്റേറ്റ് കൗൺസിലിൽ മുഖം നോക്കാതെ നേരിനുവേണ്ടി ശബ്ദം ഉയർത്തുവാൻ ധൈര്യം ഉള്ള വ്യക്തിത്വം ആണ് അദ്ദേഹം എന്നത് അനേകർക്ക് ബോധ്യം ഉള്ള സംഗതിയാണ്. ആയതിനാൽ കൊല്ലം ജില്ലയിൽ നിന്നും ഈ വരുന്ന കൗൺസിൽ തെരെഞ്ഞെടുപ്പിൽ പാസ്റ്റർ സണ്ണി എബ്രഹാം തെരെത്തെടുക്കപ്പെടേണ്ടത് അനിവാര്യമാണ്. നിലവിൽ ആയൂർ സെന്ററിന്റെ ശോചനിയമായ അവസ്ഥയിൽ നിന്നും ആത്മീയ ഉദ്ധാരണത്തിലെത്തിച്ച പാസ്റ്റർ സണ്ണി എബ്രഹാമിനെ കൊല്ലം ജില്ലയിലെ വോട്ടറന്മാരായ ദൈവ ദാസന്മാരും , സഭാ പ്രതിനിധികളും പിന്തുണക്കുക. വിജയിപ്പിക്കുക.