🏵️ പാസ്റ്റർ അലക്സ് പാപ്പച്ചൻ നോർത്ത് മലബാറിന്റെ ശബ്ദമായി സ്റ്റേറ്റ് കൗൺസിലിലേക്ക് .തെരെഞ്ഞെടുക്കപ്പെടേണ്ടത് അനിവാര്യം

റിപ്പോർട്ടർ – NS നെല്ലിക്കുന്നം

️ 2022 -ആഗസ്റ്റ് 2 മുതൽ 18 വരെ കേരളക്കരയുടെ പ്രധാന സീരാ കേന്ദ്രങ്ങളിൽ വച്ച് , മണ്ഡലാടിസ്ഥാനത്തിൽ ഇന്ത്യാ പെന്തെക്കോസ്തു ദൈവ സഭയുടെ 22-25 വർഷത്തേക്കുള്ള ഭരണ സാരഥികളെ തെരെഞ്ഞെടുക്കുന്നതിന്റെ ഭാഗമായുള്ള വോട്ടെടുപ്പ് നടക്കുകയാണ്. ശക്തമായ മൂന്ന് പാനലുകളും , പാനൽ രഹിത സ്ഥാനാർത്ഥികളും മത്സര രംഗത്ത് ഉണ്ട്
മാവേലിക്കരയുടെ മണ്ണിൽ ഐ പി സി അറുനൂറ്റിമംഗലം സഭാഗമായ പാസ്റ്റർ അലക്സ് പാപ്പച്ചൻ നോർത്ത് മലബാറിൽ നിന്നും കേരള സ്റ്റേറ്റ് കൗൺസിലിലേക്ക്/പ്രസ്ബിറ്ററിയിലേക്ക് തെരെത്തെടുക്കപ്പെടുവാൻ ആഗ്രഹിക്കുന്നു.
വളരെ ചെറുപ്രായത്തിൽ തന്നെ രക്ഷാ നിർണയം പ്രാപിച്ചു. സെക്കുലാർ വിദ്യാഭ്യാസത്തിന് ശേഷം കുമ്പനാട് ഇന്ത്യാ ബൈബിൾ കോളജിൽ വേദ പഠനം പൂർത്തീകരിച്ച്, കഴിഞ്ഞ 23 വർഷമായി കേരളത്തിന്റെ സൗന്ദര്യ റാണി എന്നറിയപ്പെടുന്ന വയനാട്ടിൽ കർത്തൃ വേല ചെയ്തു വരുന്നു. ഐ.പി സി വയനാട് സെന്ററിനോട് ചേർന്ന് 19 അര വർഷം പ്രവർത്തിച്ചു. നിലവിൽ ,മാനന്തവാടിയിൽ പുതിയ പ്രവർത്തനം ആരംഭിച്ച് ഒരു സഭ രൂപീകരിച്ചു കർത്തൃ വേല ചെയ്യുന്നു. മാനന്തവാടിയിൽ ഐ.പി.സി യുടെ പ്രവർത്തനം വിശാലമാക്കണമെന്ന ദർശനപ്രകാരം 2018-ൽ മാനന്തവാടി ഒരുഏര്യയായി പ്രവർത്തിക്കുവാൻ ഐ.പി.സി സ്റ്റേറ്റ് പ്രസ്ബിറ്ററി അനു വാദം നൽകിയതിനെ തുടർന്ന് മൂന്നര വർഷമായി മാനന്തവാടി ഏര്യ കൺവിനറായി പ്രവർത്തിച്ചു വരുന്നു. നോർത്ത് മലബാറിൽ സുവിശേഷീകരണത്തിന്റെ ഉദ്ധാരണത്തിന് വേണ്ടി പല സൂവിശേഷ സംഘടനകളും മായി ചേർന്ന് ബൈബിൾ വിതരണമുൾപ്പെടെ പല പദ്ധതികൾക്ക് ചുമൽ കൊടുക്കുവാൻ പാസ്റ്റർ അലക്സ് പാപ്പച്ചന് കഴിഞ്ഞു. വയനാട് സെന്റർ പി.വൈ പി.എ വൈസ് പ്രസിഡന്റ്, വയനാട് സെന്റർ സെക്രട്ടറി എന്നി നിലകളിലും, കഴിഞ്ഞ 12വർഷമായി ഐ.പി സി വയനാട് സെന്ററിൽ പ്രസ്ബിറ്ററി അംഗമായും സേവനം ചെയ്തിട്ടുണ്ട്. പാസ്റ്റർ അലക്സ് പാപ്പച്ചൻ എന്തുകൊണ്ടും വീണ്ടും സ്റ്റേറ്റ്പ്രസ്ബിറ്ററി അംഗമാകുവാൻ അർഹനാണ്. ഐ.പി.സി.ക്ക് വേണ്ടി നിശ്വാർത്ഥ സേവനം ചെയ്യുന്ന അലക്സ് പാപ്പച്ചൻ കഴിഞ്ഞ ടേമിൽ സ്വതത്ര സ്ഥാനാർത്ഥിയായിട്ടാണ് വിജയം കൈവരിച്ചത്. ഇത്തവണ കേരളത്തിലെ ഒന്നാം പാനലായ പാസ്റ്റർ കെ.സി.തോമസ് നേതൃത്വം നൽകുന്ന പാനലിൽ നോർത്ത് മലബാറിന്റെ പ്രതിനിധിയായിട്ടാണ് രംഗപ്രവേശനം. ദൈവത്തിന്റെ ഹിതപ്രകാരം സ്റ്റേറ്റ് കൗൺസിലിലേക്ക് ഒരവസരം കൂടി കർത്താവ് നൽകിയാൽ മലബാറിൽ സുവിശേഷീകരത്തിന് ആക്കം കൂട്ടുവാനും, മലബാറിന്റെ ആത്മിയ പുരോഗതിക്ക് വേണ്ടി തന്റെ കഴിവ് അനുസരിച്ച് പ്രവർത്തിക്കുമെന്നും ഗോസ്പൽ മിറർ നടത്തിയ ഒരഭിമുഖത്തിൽ പറഞ്ഞു. മലബാറിന്റെ ഉൾ ഗ്രാമങ്ങളിൽ സഞ്ചരിച്ച് സ്നേഹപൂർവം എന്ന ബുക്ക് ലെറ്റ് ലക്ഷ കണക്കിന് പ്രിന്റ് ചെയ്ത് നൽകണമെന്ന ദർശനത്താൽ നിലവിൽ 2021 മാർച്ചിൽ . വയനാട്ടിൽ 35 ആയിരം, കണ്ണൂരിൽ അമ്പതിനായിരം, കാസർഗോഡിൽ 35 ആയിരം കോപ്പികൾ ഇതിനോടകം വിതരണം ചെയ്തത് മലബാറിൽ ശ്രദ്ധേയമാണ്. കോഴിക്കോടിന്റെ ഉൾഗ്രാമങ്ങളിൽ സ്നേഹപൂർവം എന്ന ബുക്ക് ലെറ്റ്, എത്തിക്കുവാൻ ശ്രമം നടക്കുന്നതായും , കേരളത്തിന്റെ എല്ലാ ജില്ലകളിലും തീരപ്രദേശങ്ങളിലും, മലയോര പ്രദേശങ്ങളിലും, സ്നേഹപൂർവം ഉടനീളം എത്തിക്കുവാൻ ശ്രമിക്കുന്നുയെന്നും ഗോസ്പൽ മിററിനോട് പാസ്റ്റർ അലക്സ് പാപ്പച്ചൻ വിശദികരിച്ചു. ബഹുമാന്യ നോർത്ത് മലബാറിലെ വോട്ടറന്മാരായ ദൈവദാസന്മാരുടേയും, സഭാ പ്രതിനിധികളുടെയും വിലയേറിയ ഓരോ വോട്ടും നൽകി വിജയിപ്പിക്കണമെന്ന് അഭ്യർത്ഥിക്കുന്നു.