എൻ എസ് നെല്ലിക്കുന്നം
ആർട്ടിഫിഷ്യൽ ഇന്റലിജൻസ് സാങ്കേതിക വിദ്യ ഉപയോഗിച്ച് ആരാധനാ ലീഡ് ചെയ്യുന്നതിനോട് യോജിക്കാൻ കഴിയില്ലെന്ന് ഭൂരിപക്ഷം ക്രിസ്ത്യാനികളും അഭിപ്രായപ്പെടുന്നതായി പഠനം. കൃത്രിമ ബുദ്ധി മനുഷ്യമനസ്സിന്റെ പ്രശ്ന പരിഹാരത്തിനും മറ്റും ഉപയോഗിക്കാമെങ്കിലും അത് സ്വാധീനിക്കുന്നത് മനുഷ്യ നിർമിതമായ മെഷീനുകളെയാണ്. വലിയ ഭാഷാ മോഡൽ അധിഷ്ഠിത ചാറ്റ്ബോട്ടായ ChatGPT Al-യുടെ ഏറ്റവും ജനപ്രിയമായ ഉദാഹരണങ്ങളിലൊന്നാണ്. പ്രസംഗം തയ്യാറാക്കൽ, ട്രാൻസ്ക്രിപ്ഷൻ, ഗ്രീക്ക്, ഹീബ്രു എന്നിവയുൾപ്പെടെയുള്ള ഭാഷാ വിവർത്തനം, പ്രസംഗ’ ചിത്രീകരണങ്ങൾക്കായി ഗ്രാഫിക്സ് തുടങ്ങിയ ഉപയോഗങ്ങൾക്കായി Al പര്യവേക്ഷണം ചെയ്തിട്ടുണ്ട്. . യു.എസ്. പൗരന്മാരിൽ ബാർണ ഓൺലൈൻ നടത്തിയ സർവ്വേയിൽ എഐ ക്രിസ്ത്യൻ സഭയ്ക്ക് നല്ലതാണ് എന്ന പ്രസ്താവനയോട് ഭൂരിപക്ഷം വിശ്വാസികളും വിയോജിക്കുന്നതായി കണ്ടെത്തി. പ്രതികരിച്ചവരിൽ 30 ശതമാനം പേരും പ്രസ്താവനയോട് ശക്തമായി വിയോജിക്കുന്നുവെന്നു പറഞ്ഞു. 27 ശതമാനം പേർ തങ്ങൾക്ക് അറിയില്ലെന്നു അഭിപ്രായപ്പെട്ടു. 6 ശതമാനം മാത്രമാണ് പ്രസ്താവനയോട് ശക്തമായി യോജിച്ചത്.
